Հուզական աջակցության թեժ գիծը մեծապես հանդիսանում է ճգնաժամային թեժ գիծ:
Ճգնաժամային թեժ գիծը ծառայություն է, որին մարդիկ կարող են զանգահարել անհապաղ հեռախոսային խորհրդատվություն ստանալու համար՝ վերապատրաստված կամավորների եւ հոգեկան առողջության մասնագետների կողմից:
Նման թեժ գծեր գոյություն ունեն անգլիախոս երկրների մեծ քաղաքներում առնվազն 1970-ականների կեսերից:
Այս ծառայություններն ի սկզբանե ստեղծվել են օգնելու նրանց, ովքեր մտածում են ինքնասպանության մասին, սրանցից շատերն ընդլայնել են իրենց գործառույթները, որպեսզի հարցումների ավելի լայն շրջանակի հետ առնչվեն եւ զբաղվեն հուզական ճգնաժամերով:
Նմանատիպ թեժ գծերը գործում են՝ օգնելու մարդկանց նաեւ այլ հանգամանքներում, այդ թվում՝ բռնաբարության, ահաբեկման, ինքնավնասման կամ թրաֆիքինգի դեպքերում:
Ճգնաժամային թեժ գծի հիանալի օրինակ է համազգային հասանելի 988 թեժ գիծը ԱՄՆ-ում:
988-ն այժմ եռանիշ համար է, որը զանգահարողներին վերահասցեավորում է դեպի 988 Ինքնասպանության եւ ճգնաժամի թեժ գիծ (կամ 988 թեժ գիծ):
Այն ֆինանսավորվում է Substance Abuse and Mental Health Services Administration (SAMHSA) կողմից եւ կառավարվում է Vibrant Emotional Health (Vibrant) կողմից:
Երբ մարդիկ զանգահարում են, հաղորդագրություններ ուղարկում կամ այլ կերպ կապվում 988-ի հետ, նրանք կապվում են վերապատրաստված խորհրդատուների հետ, որոնք գործող 988 ցանցի մաս են կազմում․ այն բաղկացած է ավելի քան 200 տեղական ճգնաժամային կենտրոններից:
Այս խորհրդատուները տրամադրում են անվճար եւ գաղտնի հուզական աջակցություն եւ ճգնաժամային խորհրդատվություն ինքնասպանության կամ հուզական ճգնաժամի մեջ գտնվող անձանց:
Այս ծառայությունները Միացյալ Նահանգներում հասանելի են 24/7:
Վերոնշյալ օրինակը լավագույնս նկարագրում է այն, թե ինչպիսի թեժ գիծ ենք մենք ցանկանում ստեղծել երկարատեւ հեռանկարում: