Սիրով տեղեկացնում ենք, որ «Հոգեկան Առողջության Իրազեկման Նախաձեռնությունը» մեկնարկում է անվճար ծառայությունների տրամադրման հարթակը։
Հարթակը նախատեսված է հոգեկան առողջության եւ հարակից ոլորտների այն մասնագետների համար, ովքեր ցանկանում են անվճար ծառայություններ տրամադրել խոցելի խմբերի ներկայացուցիչներին։
Ինչպես է աշխատում հարթակը․
- կազմակերպությունն ուղղորդում է շահառուներին կամ շահառուներն իրենք ընտրում են իրենց անհրաժեշտ ծառայությունը,
- ընտրում են ծառայության առաջիկա հասանելի օրն ու ժամը, եւ
- մասնագետների ցանկից ընտրում են մասնագետին։
Ինչպես է կատարվում ամրագրումը․ մենք առաջարկում ենք երկու տարբերակ,
- առաջինում՝ մենք ապահովում ենք հաղորդակցությունը, ընդհուպ մինչեւ ծառայության տրամադրումը,
- իսկ երկրորդում՝ մենք տրամադրում ենք մասնագետի կոնտակտային տվյալները, եւ ամբողջ հաղորդակցությունն արդեն իրականացնում է մասնագետը։
Ինչպե՞ս է կազմակերպությունը դյուրին դարձնում այս գործընթացը․
- մենք գրանցում ենք ձեր կողմից տրամադրվող ծառայություններն ու ժամանակացույցը,
- անհրաժեշտության դեպքում թարամցնում ենք դրանք,
- մասնագետի ցանկության դեպքում ապահովում ենք շահառուների հետ կապն ու ամրագրման գործընթացը,
- որոշ ծառայությունների դեպքում տրամադրում ենք ծառայությունների տրամադրման տարածք, եւ
- ապահովում ենք հաղորդակցությունն ու լոգիստիկան։
Ինչ տեղեկություններ է տրամադրում մասնագետը․
- հարթակում տեղադրվում է մասնագետի օգտահաշիվը՝ անուն, ազգանուն, մասնագիտական որակավորում եւ նկար,
- մասնագետի կողմից տրամադրվող ծառայությունների ցանկը,
- ծառայությունների տրամադրման հաանելի ժամանակացույցն, ու
- ծառայությունների տրամադրման վայրը։
Մենք տրամադրում ենք հարմարավետ հարթակ եւ ադմինիստրատիվ աջակցություն ձեր մարդասիրական գործունեությունը հաջողությամբ իրականացնելու համար։
Հարթակում գրանցումը բաղկացած է երկու պարտադիր, եւ մեկ ընտրովի մոդուլներից։
- Առաջին պարտադիր մոդուլը ներառում է տվյալների հավաքում եւ ժամանակացույցի հաստատում։
- Երկրորդ պարտադիր մոդուլը ներառում է առցանց կարճ հարցազրույց եւ նույնականացում։
- Երրորդ ընտրովի մոդուլը ներառում է առցանց հարցազրույց էթիկական ուղեցույցների եւ «զրո խտրականության» վերաբերյալ, որի արդյունքում ձեր առցանց օգտահաշվին կկցվի հատուկ «վստահության» նշան։