Հուզական աջակցության թեժ գծի ադմինիստրատոր

Հայտերն ընդունվում են մինչեւ 31 մարտ 2026թ․ ժ․ 23:59

Հայտեր ընդունվում են

Խնդրում ենք նախքան հայտը լրացնելն ամբողջությամբ ծանոթանալ ստորեւ ներկայացված պայմաններին 👇

1. Աշխատավայրը՝ Երևան, Հայաստան։
   • Ձեւաչափը՝ առկա, կազմակերպության գրասենյակում։
2. Տեւողությունը՝ նախնական 6 ամիս, երկարաձգման հնարավորությամբ:
   • Զբաղվածությունը՝ շաբաթական 24-40 ժամ։
   • Աշխատնքային ժամերի միջակայքը՝ 09:00 – 21:00:
   • Ժամանակացույցը՝ ճկուն, ծառայության ընդհանուր ծանրաբեռնվածության համաձայն։
   • Մեկնարկը՝ փետրվար-մարտ, 2026թ․։
3. Աշխատավարձը կքննարկվի առաջին հարցազրույցի ընթացքում։
4. Պարտականությունների բնույթը․ ադմինիստրատիվ աջակցություն նախագծի ղեկավարի անմիջական հսկողության ներքո։ Ադմինիստրատորը հուզական աջակցության թեժ գծի համար կկատարի վարչական եւ գործառնական պարտականություններ, ներառյալ նախագծի ամենօրյա վարչական համակարգում:
   • Զեկուցում է ծրագրի ղեկավարին։
   • Համակարգում է վարչական աշխատանքները։
   • Սերտորեն համագործակցում է կլինիկական ղեկավարի, ավագ մասնագետի, գործընկերների, եւ ՏՀՏ (ICT) պատասխանատուի հետ։
5. Թեժ գծի մասին․ Հոգեկան Առողջության Իրազեկման Նախաձեռնությունը գործարկում է հոգեհուզական մարտահրավերների հետ առնչվող անհատներին ծառայող անվճար հուզական աջակցության թեժ գիծ։ Թեժ գիծը համալրված է օպերատորներով՝ հոգեբաններով եւ հոգեհուզական աջակցության կամավորներով, ովքեր հարմարեցված եւ գաղտնի աջակցություն են ցուցաբերում հոգեհուզական մարտահրավերների հետ առնչվող անհատներին: Կազմակերպությունը ձգտելով հզորացնել թեժ գծի կարողությունները աշխատանքի է հրավիրում ադմինիստրատորի թեժ գծի ամենօրյա ադմինիստրատիվ աջակցման նպատակով։
6. Ծառայությունների չափելի արդյունքներ եւ պարտականություններ
   1. Շաբաթական ժամանակացույցի համաձայն տրամադրել վարչական եւ գործառնական աջակցություն՝ չհակասելով հուզական աջակցության թեժ գծի ուղեցույցներին եւ ընթացակարգերին:
   2. Ակտիվորեն աջակցել ծառայությունների քարտեզագրմանը՝ ուղղորդումը դյուրին եւ արդյունավետ դարձնելու համար։
   3. Աջակցել ավագ մասնագետին նույնականացնել եւ կապվել ռիսկի խմբում գտնվող շահառուների հետ աշխատող կառույցների հետ ծառայությունների տրամադրման կոորդինացման նպատակով։
   4. Հավատարիմ մնալով անձնական տվյալների պաշտպանության ուղեցույցներին եւ էթիկական չափանիշներին, ամեն ամիս զեկուցել կատարված աշխատանքը, նույնականացված մարտահրավերների հակիրճ նկարագրությունը, ինչպես նաեւ հետագա քայլերի նկարագիրը։
   5. Աջակցել ավագ մասնագետին նույնականացնել եւ կապվել համապատասխան խմբերի եւ մարտահրավերների հետ աշխատող կազմակերպությունների հետ, ինչպես նաեւ օգնել նրան կոորդինացնել անհատական կամ խմբային ծառայությոնների տրամադրումը ծառայության մասնագետների հետ ակտիվ համագործակցությամբ։
   6. Աջակցել թեժ գծին յուրահատուկ ստանդարտ գործառնական ընթացակարգերի (SoPs) մշակմանը եւ հավատարիմ մնալ արդեն հաստատվածներին: Շարունակաբար աշխատել ղեկավարի հետ ընթացակարգերի բարելավման ուղղությամբ։
   7. Մասնակցել վերահսկման եւ գործերի կառավարման հանդիպումներին:
   8. Միանալ ղեկավարության հանդիպումներին, երբ նախատեսված է:
   9. Տրամադրել վարչական աջակցություն․ ամենօրյա աշխատանքի ապահովում։
      • Փաստաթղթերի եւ գրառումների կառավարում. պահպանել ծրագրի բոլոր փաստաթղթերը, գրառումները, քաղաքականությունները, ընթացակարգերն ու պայմանագրերը ճշգրիտ եւ ամբողջական։
      • Հանդիպումների կազմակերպում. ապահովել ներքին եւ արտաքին հանդիպումների վարչարարությունը, այդ թվում պատրաստել օրակարգեր եւ կազմել արձանագրություններ։
      • Այլ վարչական գործառույթներ. կատարել ընդհանուր վարչական աշխատանքներ, ինչպիսիք են նամակագրությունը, վարչական զանգերի կառավարումը, ճանապարհորդությունների կամ միջոցառումների կազմակերպումը։
   10. Տրամադրել գործառնական աջակցություն․ շարունակական բարելավման ապահովում։
       • Ժամանակացույցերի մշտադիտարկում եւ կառավարում․ համոզվել, որ պահպանվում են սահմանված ժամանակացույցերը, ձեռնարկել համապատասխան միջոցներ եւ կատարել անհրաժեշտ քայլեր դրանց չպահպանման պարագայում։
       • Արդյունավետության բարելավում․ առաջարկել եւ իրարկել փոփոխություններ արդյունավետության բարելավման նպատակով։
       • Որակի հսկողություն․ համոզվել, որ ոչ կլինիկական ծառայությունները համապատասխանում են սահմանված չափանիշներին։
   11. Համակարգում․ ծրագրի համապարփակ աջակցություն։
       • Գործունեության համակարգում. համոզվել, որ ծրագրի շրջանակներում նախատեսված բոլոր վարչական եւ գործառնական գործողությունները կատարվում են սահմանված ժամանակացույցերին եւ նպատակներին համապատասխան։
       • Գնումների աջակցություն. օգնել ծրագրի համար անհրաժեշտ ապրանքների կամ ծառայությունների գնման գործընթացում (պայմանագրերի կազմում, փաստաթղթերի հավաքագրում, եւ այլն)։
   12. Ներկայացուցչական գործունեություն․ իրականացնել ներկայացուցչական գործառույթներ։
       • Հաղորդակցության ապահովում. հանդես գալ որպես կապող օղակ ծրագրի ղեկավարության, թիմի անդամների եւ արտաքին շահագրգիռ կողմերի (գործընկերներ, հովանավորներ, եւ այլն) միջեւ՝ ապահովելով տեղեկատվության հոսքը։
       • Ներկայացուցչություն․ ներկայացնել ծրագիրն ու կազմակերպությունն այլ կազմակերպություններում եւ միջոցառումների ընթացքում։
   13. Մշտադիտարկում եւ հաշվետվողականություն․ մշտադիտարկել եւ արձանագրել ծրագրի առաջընթացը։
       • Տվյալների հավաքագրում. ամենօրյա կարգով հավաքագրել եւ մշակել տվյալներ՝ ծրագրի կատարողականը գնահատելու համար։
       • Ֆինանսական մշտադիտարկում. աջակցել բյուջեի հետեւմանը եւ հաշվետվությունների կազմմանը՝ համոզվելու համար, որ ծախսերը հիմնավորված են եւ մնում են հաստատված բյուջեի շրջանակում։
       • Հաշվետվությունների կազմում. պատրաստել պարբերական եւ ամփոփիչ հաշվետվություններ ծրագրի արդյունքների եւ առաջընթացի վերաբերյալ։
   14. Թիմի աջակցություն․ աջակցել թիմի նոր անդամների ներգրավմանը, ինչպես նաեւ անհրաժեշտ տեղեկությունների տրամադրում, փաստաթղթերի կառավարում եւ տեխնիկական սահմանափակ աջակցություն։
   15. Մարտահրավերների եւ խնդիրների բացահայտում. արագ արձագանքել ծրագրի ընթացքում ծագած վարչական կամ գործառնական մարտահրավերներին եւ խնդիրներին եւ գտնել, առաջարկել եւ իրարկել լուծումներ։
   16. Գործընթացների բարելավում. մշակել եւ առաջարկել նոր վարչական եւ գործառնական քաղաքականություններ եւ ընթացակարգեր՝ ծրագրի արդյունավետությունը բարձրացնելու համար։
   17. Կատարել այլ առաջադրանքներ։

Ծրագրի զարգացում եւ կոորդինացիա

1. Ներկայացնել կազմակերպությունը հոգեկան առողջության տեղի եւ տարածաշրջանային հանդիպումներին եւ քննարկումներին ծառայությունների բարելավման նպատակով։
2. Աջակցել ավագ մասնագետին համոզվելու, որ պահպանվում են նախագծի դոնորների պայմանները։

Պաշտպանություն եւ անվտանգություն

1. Համոզվել, որ թեժ գծի վարչարարությունը համապատասխանում է պաշտպանության քաղաքականություններին եւ էթիկական ստանդարտներին։
2. Կազմակերպության պաշտպանության միջոցների բարելավման նպատակով աջակցել իրազեկման նախաձեռնությունների եւ վերապատրաստումների պլանավորմանն ու իրականացմանը։

Մշտադիտարկում, գնահատում եւ զեկուցում

1. Համոզվել, որ զեկույցները կազմվում եւ տրամադրվում են ժամանակին, ներառյալ կարեւոր միտումների եւ մարտահրավերների վերաբերյալ տեղեկություններն ու դիտարկումները։
2. Աջակցել մշտադիտարկման, գնահատման, հաշվետվողականության, եւ ուսման գործընթացներին, համոզվելով, որ թեժ գիծը համապատասխանում է սահմանված որակական չափանիշներին։

Արդյունքների գնահատման չափանիշներ

• Թեժ գծի աշխատանքն ըստ ժամանակացույցի: 
• Վարչական պարտականությունների պատշաճ կատարում։
• Գործառնական պարտականությունների պատշաճ կատարում։
• Աշխատանքների հետեւողական հաշվետվություն:
• Ծառայությունների քարտեզագրման հետեւողական թարմացում:

Պահանջվող կրթություն, փորձ եւ հմտություններ 

• Բարձրագույն կամ այլ մասնագիտական կրթություն:
• Հեռավար աշխատանքի փորձ:
• Մարդասիրական կազմակերպություններում աշխատելու փորձ։
• Կազմակերպչական եւ վերլուծական կարողություններ։
• Ինքնուրույն աշխատելու ունակություն։
• Հայերենի սահուն իմացությունը պարտադիր է։
• Անգլերենի B2 մակարդակի եւ ավել տիրապետումը կդիտարկվի որպես առավելություն:

Կարողություններ եւ արժեքներ

Ներառականություն եւ հարգանք բազմազանության նկատմամբ. հարգել եւ խթանել անհատական եւ մշակութային տարբերությունները. հնարավորության դեպքում խրախուսել բազմազանությունը եւ ներառականությունը:

Ազնվություն եւ թափանցիկություն. պահպանել բարձր էթիկական չափանիշներ եւ գործել կազմակերպության սկզբունքներին, կանոններին եւ վարքագծի չափանիշներին համապատասխան:

Պրոֆեսիոնալիզմ․ դրսեւորել համակարգված, գրագետ եւ պարտաճանաչ աշխատելու կարողություն, եւ ցուցաբերել զգայուն դատողություն առօրյա մարտահրավերների հետ առնչվելիս:

Հիմնական կարողություններ եւ ցուցիչներ

Թիմային աշխատանք. ընդհանուր նպատակներին հասնելու եւ արդյունքների բարելավման նպատակով զարգացնել եւ խթանել արդյունավետ համագործակցությունը ստորաբաժանումների ներսում եւ դրանց միջեւ:

Արդյունավետություն. իրականացնել արդյունավետ աշխատանք հիմնված ծառայության վրա, ժամանակին, ցուցաբերելով նպատակասլացություն եւ հավատարմություն համաձայնեցված արդյունքների նկատմամբ:

Գիտելիքի կառավարում եւ փոխանակում. շարունակաբար ձգտել սովորել եւ տրամադրել գիտելիքներ, լինել նորարար:

Հաշվետվողականություն. հաշվետվողական լինել կազմակերպության առաջնահերթությունների իրականացման, սեփական գործողությունների եւ պատվիրակված աշխատանքի իրականացման համար: 

Հաղորդակցություն. խրախուսել եւ նպաստել հստակ եւ բաց հաղորդակցությունը, բարդ հարցերը բացատրել տեղեկացնող, ոգեշնչող եւ մոտիվացնող ձեւով:

Ինչպես դիմել

Դիմելու համար խնդրում ենք լրացնել այս ձեւաթուղթը։

Հարցազրույցի կհրավիրվեն միայն ընտրված մասնագետները։