«Հոգական Առողջության Իրազեկման Նախաձեռնությունն» իր գործունեության նպատակներին հավատարիմ մնալով շարունակում է համագործակցությունը հոգեկան առողջության եւ հարակից ոլորտներում առաջատար մասնագետների եւ կառույցների հետ՝ համախմբելով բոլորին ընդհանուր գաղափարի շուրջ։
Հունիսի 28-ի Բոսթոնի Հայկական ուսումնասիրությունների եւ հետազոտությունների ազգային ասոցիացիայում մեր գործընկերների եւ աջակիցների օգնությամբ Նախաձեռնությունը կազմակերպեց «Հոգեկան առողջության իրազեկման դերը փոքրամասնությունների համայնքներում» թեմայով պանելային քննարկումը։
Պանելային քննարկման հրավիրյալ բանախոսները խոսեցին հոգեկան առողջության իրազեկման կարեւորության եւ այդ համայնքներում դրա առանձնահատկությունների մասին։
Մենք հավատացած ենք, որ հոգեկան առողջության ոլորտում համագործակցությունը եւ մասնագիտական հանրույթում փորձի փոխանակումը իրազեկումը խթանող կարեւորագույն մեխանիզմներից է, ուստի շնորհակալություն ենք հայտնում բոլոր մասնակիցներին եւ անհամբեր սպասում ենք հոգեկան առողջության իրազեկումը խթանելու շուրջ համատեղ աշխատանքին։